Connect with us

KOLOM

Fikmin:Nyi Esih Meuli Bubur Kacang

|

Ku: Eti Nurhayati

Asa kakara ayeuna Nyi Esih ningali tukang dagang bubur kacang diriung- riung ku nu meuli nu sakitu lobana. Panasaran terus wé milu antri. Dina pikirannana pasti bubur kacang ieu béda ti nu séjén, alias istiméwa.
Sanggeus lila antri, ayeuna giliran Nyi Esih.
” Mang, aya bubur kacang rasa coklat?”
tanya Nyi Esih.
” teu aya, Néng”, jawab si emang.” Aya rasa kéju?” tanyana deui
” teu aya, Néng” jawab si emang deui.
Nyi Esih nanya deui ” Ari bubur kacang rasa balado, aya?”
“Teu aya atuh, Neeeeng”, jawabna bari gogodeg.

Ayeuna giliran si emang tukang bubur nu nanya.
” Badé nganggo ketan, Néng?”
Nyi Esih: moal, Mang
” Badé nganggo roti?”
Moal, Mang
” Badé nganggo santen?”
Moal, Mang
Si Emang tukang dagang ungut- ungutan bari ngaladangan.
” sing amis, Mang”, ceuk Nyi Esih
“Parantos amis, Néng”, jawab si Emang.
” sing seueur kacangna”, Mang
Seueur éta ogé, Néng…. témbal si Emang geus capé. Eta wé kaciri késangan mani ngucur.
Song wé mangkok diasongkeun ka Nyi Esih. ” Geuning, kacangna saalit, Mang….” Nyi Esih nyarita bari nampanan mangkok bubur kacang tea.
” Itung wé ku sorangan !! ” si Emang nyentak bari kukulutus…..

.

Advertisement
Terimakasih telah berkunjung

Komentari